தாயானவள் என் தமிழ்….

0
122

 

 

 

 

எம்மொழி கொண்டும் கவிதை
புனைந்தெழுத முயன்றாலும்;
என்மொழி செம்மொழி போல்
எதுவொன்றும் இனிக்காதே;

அகத்தியன் கண்ட தமிழ்
கம்பன் புரண்ட தமிழ்;
குமரிக்கண்டம் வாழ்ந்த என் மூதாதை
தொட்டிலிட்டு மகிழ்ந்த குழந்தை தமிழ்;

அடி காணா ஆழமிவள்
என் அன்னைக்கு அன்னையவள்;
சொலற்கரிய சொல்லிற்க்கும்
வியப்பூட்டும் கருத்துள்ளாள்;

கற்பனையில் என் தாயவளால்
கவி வடிக்க முனைந்தாலும்;
நிஜங்களை போல் அழகாக்குகிறாள்
நிமிடங்களில் என் மொழியியலாள்;

என் உள்ளத்தினுள்ளே உயிராகி
ஊற்றாகி உணர்வான தமிழே;
பண்ணாகி பாவாகி பூவாகி நீயும்
என்னுள் தீயாகி எரியும் தாயே;

புண்ணாகி புழுவாகி நெழிந்தாலும் கூட
மண்ணோடு மண்ணாகி மடிந்தாலும் கூட
என் ஆவி உன்னோடு ஒன்றாக வேண்டும்
அம்மா உன் மார் மீது தமிழுண்ண வேண்டும்,

உன்னை மட்டும் உயிராய் கொள்வேன்
எம்மொழி எதிர்ப்பினும் உன்னால் வெல்வேன்………………

 

 

 

 

இங்கே பதிவு செய்க
என் கருத்துக்கு
0 கருத்துரைகள்
இன்லைன் பின்னூட்டங்கள்
எல்லா கருத்துகளையும் காண்க