நானென்பது

0
313
20210728_175905-89275d78

என் மீதான தவறுகளை ஒரு போதும்
எதிரில் நிற்பவர் மீது சாட்டிவிட
முனைவதில்லை நான்..
கருகிவிட்ட என் கற்பனைகளுக்காய்
எவர் மீதும் கடுஞ்சினம்
கொண்டதில்லை நான்..
தடுமாறி நானே தடுக்கி விழுந்த பின்
தள்ளிவிட்ட துரோகியாய் யாரையும்
சுட்டவில்லை நான்..

வார்த்தைகளுக்கு வேலையில்லை எனில்
விளக்கம் பேசி விவாதம் செய்யத்
தயாராவதில்லை நான்..
முன் செல்லும் பாதையில் முள்ளாய்
உறுத்திக் கொண்டே நின்று
காயம் தருவதில்லை நான்..
அவரவர் நிலையில் அவரவர்
சரியே எனும் போது இடையூறாய்
வழிமறிப்பதில்லை நான்..

புரிந்து கொள்ளவும் முடியவில்லை
புரிந்து கொள்ளவும் விரும்பவில்லை
எனும் போது புதிராகவே
இருந்து விடுபவள் நான்..

நானென்பது வேறொன்றுமல்ல நான் தான்…

0 0 வாக்குகள்
இதை மதிப்பிடுங்கள்
இங்கே பதிவு செய்க
என் கருத்துக்கு
0 கருத்துரைகள்
இன்லைன் பின்னூட்டங்கள்
எல்லா கருத்துகளையும் காண்க