தண்டவாளங்கள்

0
108

மேற்கத்தியம் முழுவதுமாய்
உலவும் சாலைகளில்தான் இப்போதெல்லாம்
அடிக்கடி
நம் சந்திப்புகள் நிகழ்கின்றன
மஞ்சள் படர்ந்த
இலையுதிர் காலப்
பொழுதுகளில்
குளிர் கொஞ்சம்
மறைந்திருந்தாலும்
கைகள் பிரித்து
நடக்கும் எண்ணம்
நமக்குத் தோன்றுவதாயில்லை
பேசித் தீர்க்க
நிறையவே இருந்தாலும்
சுயநலத்தை விடவும்
சிறந்த ஒன்றைப் பற்றி
விவாதிக்க
எனக்குத் தெரியவில்லை
ஒரு முத்தத்தோடே
முடிந்து விடக் கூடியதுதான்
காதல் என்கையில்
கோர்த்திருக்கும் விரல்களை
உருவிக் கொள்ளவும்
சில நேரம் இன்னும்
இறுக்கிக் கொள்ளவுமே
மனம் சொல்கிறது
ஹிப்பிகளின் நிம்மதியை
எஜமானனின்
சுதந்திரத்தோடு சேர்ப்பது
வானத்துக்கும்
வெற்றுக் கால்களுக்கும்
முடிச்சுப் போடுவதாய்
இருக்கிறது
காதலை விடவும்
காலைச் சுற்றும்
நாய்க் குட்டியின் சிநேகம்
உனக்கும் எனக்கும் பெரிது
பீதோவனிற்கும்
தாலாட்டிற்குமான
வித்தியாசத்தை
எல்லோராலும்
உணரவும் முடியாது
இந்த இலையுதிர்ந்த
சாலைகள்
சீக்கிரத்தில் முடிந்து விடும்
குறைந்த பட்சம்
வளைவுகளிலேனும்
ஆதலால்
மறுமுறை காணும் வசந்தத்தில் தள்ளியிருந்தபடியே
தண்டவாளத்தில் சந்திப்போம்….

இங்கே கருத்துக்களை பதிவிடவும்

avatar
  இங்கே பதிவு செய்க  
என் கருத்துக்கு