ஒரு துளிக் கண்ணீர்

0
235
inbound6577942763402597904

அன்பு கொண்டு அடிமையாகி
அடிமனம் வேதனைப்படுகையிலே
ஆறுதல் தேடி நிற்க
ஆதரிப்பார் யாருமில்லை
எம்மனம் தேற்றவென்று
எமக்களித்த பரிசே ஒரு துளிக் கண்ணீர்

பித்தலாட்டக் காதலிலே
பிரிவுதான் வருகையிலே
துன்பம் நேர்கையிலே
துயரத்தில் ஆழ்கையிலே

தீராத சோகத்தையும்
தீர்த்திடுமே ஒரு துளிக் கண்ணீர்


தனித்து நாம் நிற்கையிலே
தனிமை உணர்கையிலே
தலையணைக்கு வாயிருந்தால்
தயங்காமல் கதை சொல்லும்
தடைகள் வரும் போது
தடையங்கள் இன்றி வந்த ஒரு துளிக் கண்ணீர்

உறவென்று உரிமையோடு உறவாட
உள்ளத்தை புரிந்திடாது உதறிடும் வேளையிலே
நட்புக்குள் துரோகங்கள் நடனமாட
நம்பிக்கை தொலைந்து அங்கு
நிர்க்கதியாய் நிற்கையிலே
ஒற்றுமையும் இல்லாது போராடும் வாழ்க்கையதில்
ஒரு கணமும் சிந்திக்காது
அத்தருணம் வழியும் ஒரு துளிக் கண்ணீர்

அடங்காத வயதினிலே அறியாமல் வந்த கண்ணீர்
அறிந்திடும் வயதினிலே அடக்கியே ஆழ்கிறதே
விழியோரம் விளையாட்டாய் வந்த கண்ணீர் – இன்று
விதியோடு போராடி விருட்சமாய் நிற்கிறதே
கருவறையில் இருந்து கல்லறை செல்லும் வரை
கண்டிடார் யாருமில்லை
கண்ணதிலே ஒரு துளிக் கண்ணீர்..

இங்கே பதிவு செய்க
என் கருத்துக்கு
0 கருத்துரைகள்
இன்லைன் பின்னூட்டங்கள்
எல்லா கருத்துகளையும் காண்க